الفرق بين مهندسين الشبكات

الفرق بين مهندسين الشبكات :
• Network Administrator
• System Administrator
• Network Engineer
• System Engineer
الاربعة موظفين ومطلوب منهم التعاون لبناء شبكة الشركة الجديدة ثم ادارتها بعد ذلك فقم بتحديد الدور الذى يقوم كل منهم على الترتيب
وقبل اجابتك على السؤال عليك ان تعرف طبيعة عمل كل منه وسوف اقوم ان بتعريفهم لك وعليك انت الاجابة بعد ذلك على السؤال .
سوف نتعرف سويا بإذن الله تعالى على
1- الوصف الوظيفى
2- الشهادات
3- الفروقات بين كلا منهم.

System Administrator

هو الشخص المسؤول عن إدارة الشبكة وقد يكونوا عدة أشخاص. والمهام التي يقوم بها هى تثبيت البرامج وتحديثها وإزالتها وتثبيت تحديثات لأنظمة التشغيل والبرامج الرئيسية بالشبكة و يقوم بتثبيت الأجهزة كالطابعات والمودمات والروترات وجدران الحماية ومراقبة أداء المستخدمين وتوزيع الصلاحيات.

شهادات ينصح بها: mcsa + ccna + Linux + + cwna

• الفرق الذى يفرق بينه وبين (Network Administrator) ان تركيزه اكثر على ادارة الشبكة كبرامج وسوفت وير .

Network Administrator
اهم دروس الشبكات

هو الشخص المسئول عن تثبيت وصيانة وتحديث البرامج والهاردوير فى الشبكة لكى يساعد على تشغيل الشبكة بفاعلية ومن اهم المهام التى يقوم بها
– مراقبة وتطوير الشبكة ( هاردوير وسوفت وير ) والمستخدمين وحل المشاكل ..
– النسخ الاحتياطى اليومى وتثبيت التحديثات .
– تقييم وتطبيق برامج ادارة الشبكة .

شهادات ينصح بها: mcse + ccna + ccnp + cwna

• الفرق الذى يفرق بينه وبين مسئول النظام ان تركيزه اكثر على ادارة الشبكة كهاردوير.

System Engineer.
هو الشخص المسؤول عن تصميم وتطوير واعداد نظم التشغيل والبرامج فى الشبكة , والتأكد ان كل انظمة التشغيل الخاصة بالهارودير ( اجهزة ربط الشبكة ) والكمبيوترات تعمل بشكل سليم وفق الاداء المطلوب لهذا عليه التأكد من توافق الهاردوير والسوفت وير فى الشبكة والعمل معا وفق المعايير المطلوبة

شهادات ينصح بها: mcse + ccna + Linux + ccnp

• الفرق بينه وبين (System Administrator) انه لايقوم فقط بادارة برامج الشبكة ولكن ايضا هو قادر على بناء الشبكة كاملة كسوفت وير وهندسة عملها بحيث تتوافق اداء عمل الشبكة مع الاجهزة المتاحه وايضا وفقا للخدمة المطلوبة منها بأفضل طريقة ممكنة .

Network Engineer

الشخص المسئول عن تصميم وتركيب الشبكة بالشركة . وعمله يختلف عن السابقين فهو عمله فى الغالب يعتمد بشكل اساسى على العمل الميدانى وليس بالجلوس وراء مكتب فقط ومرافبة اداء الشبكة . عادة مهندس الشبكات يعمل في شركة متخصصة في تركيب الشبكات للشركات والمؤسسات المتوسطة والصغيرة .

شهادات ينصح بها: CCNA –CCNP – CCDA – CCIE – MCSE

Copied &

ولكن ايضا ليس هذه الشهادات فقط ولكن هناك الكثير مثل شهادات جونيبر (JNCIA )ولينكس (RHCE)ويونكس

Copied %
لو عايز كل الجديد يوصلك …..Like + Follow Page
مهندس / هيثم عصام
Eng Hitham Essam
https://www.facebook.com/Eng.Hithamessam

 

Microsoft from Prometric to Pearson Vue

ناس كتير بعتتلى بتسأل عن امتحانات مايكروسوفت و انها اتغيرت من شركة برومترك prometric لشركة Pearson Vue ….فحبيت اوضحلكم كام حاجة هنا :
1- الامتحانات هتغغير ولا لا …. شركة Pearson Vue ملهاش دعوة بالامتحان ….الشركة كل اللى بتعملوا انها بتوجدلك المكان المعتمد منها انك تمتحن فيه …لكن الامتحان نفسه بيبقى جاى من شركة

مايكروسوفت ….فالامتحان فى يد ماكيروسوفت …و كل مرة انت بتخش تمتحن اى امتحان …بيتم استدعاء الامتحان برقمه و الاسئلة الخاصة بيه من سيرفر الخاص بالشركة سواء

مايكروسوفت – سيسكو – الخ …
2-الدامبات فاليد ولا لا ……من خلال السؤال الاول ….نستنتج ان الامتحانات و تغيرها بيتم من خلال الشركة نفسها اللى هى مايكروسوفت …لكن…..عشان موضوع التغيير اللى حصل ..هيتم تغيير الامتحانات بنسبة فد تصل الى 40 % ….و ده مش هيبقى مفاجىء هيبقى فى خلال شهر مثلا ….و اللى خلاله هيتم نزول دامبات فاليد جديدة للامتحانات …يعنى محدش يقلق ….
3-الفاوتشرات ……الفاوتشرات اللى كانت نازلة فترة شهر 11 و 12 للناس MCT او اى فاوتشر ميعاج انتهائه كان 31/12/2014…ده مش هينفع تستخدم تانى …لانها كان اخير ميعاد لها هو شهر 12….لكن …لو اى فاوتشر مختلف فى

الميعاد …يعنى ميعاد انتهائه بعد شهر 12 /2014 ….ده هيتم استخدامه عادى جدا مع شركة Pearson Vue
4-الفاوتشرات تانى …..هيتم الابتداء من استخدام الفاوتشرات مع شركة Pearson Vue. ابتداء من يوم 6 شهر يناير …..
5-امتحاناتك اللى امتحنتها مع برومتريك هتروح فين ! …..بص يا باشا …الامتحانات كلها الخاصة بيك بتبقى مسجلة فى الاساس مع الشركة الام …يعنى مايكروسوفت …سيسكو….جينبر…..الخ….بحيث لو الشركة غيرت الشركة اللى بتقدم امتحانتها حاجتك تفضل محفوظة….فاللى حصل ان كل امتحاناتك اتنقلت للبروفايل الخاص بيك لشركة Pearson Vue…

6- اثبتلى ان الكلام ده بجد و ان شهاداتى مضاعتش ….هتخش على اللينك دهhttps://www.microsoft.com/learning/en-us/dashboard.aspx……

7-لو عايز تحمل شهاداتك من هنا
https://mcp.microsoft.com/trans…/certificatemanagerpage.aspx

8..فيه امتحانات هتلاقى جنبها OP …يعنى ايه ده ….
ده حاجة جدية على مايكروسوفت انك تقدر تمتحن من البيت او المكتب او اى مكان براحتك….الامتحان ده بيبقى محمى يعنى الشركة بتحتاج بعض الاشتراطات عشان تقدر تمتحن بدون الذهاب الى مركز معتمد…المفروض ان الموضوع ده تجريبى ابتدأ من 22 سبتمبر 2014….حتى 31/مارس /2015…و بعدين هيقيموا التجربة …لو ناجحة هيكملوا لو فشلت اعتقد هتتلغى عشان مايكروسوفت تقدر تحافظ على قوة شهاداتها المختلفة ….اه…مش كل الامتحانات تقدر تمتحنها اون لاين…اى امتحان فقط بجانبه op من اللينك التالى :
https://www.microsoft.com/…/en-…/online-proctored-exams.aspx
………………………………………………………………………………………………
Like – Follow – Share to Get new Feeds
https://www.facebook.com/pages/Hitham-Essam/396536210499900

Hitham Essam

 

ازاى تنجح فى مصر فى مجال IT / البرمجة

ابتدى من انهارده …ازاى تنجح فى مصر فى مجال IT / البرمجة…..ازاى تكسب …..ازاى تطور نفسك
…………………………………………………………………………………………………………………..
عارف ده فلان بيقبض ستين تلاف جنيه …..عارفة ده فلانة جابت عربية بعد سنة شغل عارف ده بيل جيتس بيكسب فى الثانية …. فى الثانية يابيه …مش أقل من 8000 دولار الواحد لوعايز يشترى كلب اوالواحدة لو عندها قطة بعرف طبيعة الحاجة دى وبنقرأ عنها و نتعلم كل حاجة عنها وبنجيبلها أكلها الخاص ولو تعبت بنسئل عن علاجها لكن مع نفسنا ..ياعم الواحد ماشى وخلاص…..اصل كلها بالواسطة يا بشمهندس…..اصل مش عارف مين حمو الزيز معاه شهادات ايه و ايشى كورسات و مشتغلش لحد دلوقتى يبقى انا اللى هشتغيل ..يا بيه سيبها على الله ياسيدى ونعم بالله بس ربنا مش هيخليك تنام وتصحى تلاقى نفسك بتتكلم بالانجليزى او تلاقى نفسك بعد المغرب هووووب بقيت محترف برمجة اندرويد مثلا …لازم تبقى متأكد ان نجاح فرد مش عشان اتبع نفس طريقة الناجح اللى قبله بس لكن لانه اجتهد فجنى ثمار اجتهاده….ممكن اقولك ان رئيس شركة مايكروسوفت مصر حاصل على بكاليريوس هندسة الميكانيكا الحيوية…..حاجة ملهاش دعوة بالتكنولوجيا ولا الشبكات و لا نظك التشغيل ولا البرمجيات من قريب……على فكرة …. نائب رئيس شركة مايكروسوفت العالمية الحالى مصرى …دكتور على الفرماوى ….لازم متبصش للسلبيات اللى حواليك انت ياعم علشان تختار كول تون بتدور وتسمع ولا أكن الكول تون اول ما هتتسمع تانى يوم الصبح الناس هتتلم تحت بيتك عايزين يتصوروا معاك على الكول تون العبقرى والجديدة والعاطفية اوى اللى اختارها معاليك
اول نصيحة …منى ليك …..حدد حلمك …الحلم معناه مش واقع …يعنى نقطة تكون عالية فى سحاب السماء ….متخليش حلمك تحت رجلك ….دايما بص لفوق …و رقبتك مش هتتكسر متقلقش …الحلم مجانا … حلمك هو هدفك و تحقيقه انت المسئول الاول عنه و من خلال مهاراتك و تفكيرك و جهدك هيكون تحقيقك لحلمك….اوعى تفضل فى دايرة مغلقة مليانة سلبيات و تفضل تبص على التجارب اللى فشلت حواليك و انك مش احسن منها او اذكى منهم عشان تنجح عنهم…النجاح خاص بالمجتهدين و الطموحين فقط . كل واحد ربنا ميزه بحاجة .. حتى التوأم …..فحط فى دماغك ان الفكر او حتى درجة الاجتهاد مش بتبقى متساوية بين البشر عشان كده لما بيتم التركيز بيتولد النجاح
ابعد عن الكورسات فى البداية لو انت ميح خالص …ازاى ياعم انت مجنون…لا… انا افهمك اى حاجة بنتعلمها جديدة لازم يبقى عندنا اى معلومات عنها يبقى عارفين احنا رايحين نتعلم ايه …و ليه و هستفاد منها بدرجة اد ايه .اوعى تقع فى أكبر خطأ وتروح تدفع فلوس كورس من غير ماتكون عندك اى معرفة عن الحاجة اللى هتتعلمها وتكون عرفت مشتملات الكورس و هل الكورس ده محتاج مستوى معين من الدراسة قبله او الخبرة العملية او مستوى معين من الانجليزى و لازم تقارن التكلفة وتعرف قيمة الشهادة وهتنفعك ولا لا وحط فى دماغك وحطى فى دماغك ان مش فلوس اللى هتدفعها فى الكورس او هتدفعيها اللى هتخليك فاهم او هتشغلكم لا طبعا كان اغنى واحد بيفهم فى كل حاجة لكن المجتهد والمجتهدة هما اللى بيفهموا مش فلوسهم ….اسهل حاجة انك تروح ترمى فلوس فى كورس وتستنى الكورس هو اللى يفهمك كل حاجة … انسى كانت فلوس الدروس الخصوصية فى الثانوية العامة او فى الاعدادية طلعتك من الاوائل ياحبى اتعبواو اعمل الصعب هتلاقى كل السهل فى الرزق اللى جيلك … يعنى شغل دماغك واتعب واشتغل وذاكر واتعلم كل جديد فى مجالك وانت هتكون الفائز الاوحد يعنى نشغل عقلنا مش جيبنا ابنى نفسك …. قبل ابنى بيتك!
مشكلة دايما بتواجه العرب بالذات….. انهم مجرد يشوفوا نجاح فرد فى حاجة او نجاح منظومة بيخلى الباقى يمشى فى نفس الطريق بنفس الخطوات بنفس الفكر و قال ايه …مستنى فى الاخر ينجح….يعنى فى مصر معروفة ان لو فيه محل مثلا كشرى فتح و نجح ..تلاقى اربعة خمسة جم فتحوا نفس الحاجة بنفس الفكر و ممكن نفس الديكور الداخلى مش معنى ان الحاجة ده نحجت يبقى مفيش نجاح تانى ….و ده ياخدنى لنقطة مهمة جدا ..و الله العظيم مجال الكومبيوتر مش كله شبكات بس ……انا عايز اقول ان اكتر من 60 % من اى حد عايز يشتغل فى مجال الكومبيوتر بيتجه للشبكات ….و ده المفروض يبقى دور مجتمعى للمهندسين الكبار انهم يوعوا الناس و الشباب ان المجال فيه اكتر من كده …العالم كله بيتجه الان الى.. البرمجة ثم البرمجة ثم البرمجة ….الفيرتولزاشين / الكلود مش معقول هيبقى الطفل الامريكى بيبتدى برمجة من سن 7 سنوات الان …و احنا كعرب عدد المبرمجين لا يتعدى 300.000 الف على مستوى العرب كلهم …البرمجة ليست معقدة او كيمياء …المشكلة هو اننا كعرب ناخذ تصورنا و خبرتنا من الغير ..بالسمع زى المصريين ما يقولوا …يعنى تسأل حد يقولك البرمجة صعبة ..يبقى خلاص شبكات
مشكلة بجد برده صعبة جدا انك تلاقى حد معتمد من سيسكو كمحترف شبكات او من مايكروسوفت كمهندس نظم معتمد ولكن للاسف لا يوجد لديه لغة انجليزية تساعده…..احب اوضح ان اى شركة لما تروح تعمل انترفيو …الانترفيو التيكنيكال ببيقى تانى انترفيو و اوقات الثالث….الانترفيو الاول بيبقى شخصيتك…و طريقة فى التعامل ..هل انت محترف للعمل و هل تمتلك المهارات الشخصية للعمل فى هذه المنظومة ..و لغتك ! ..هل تجيد الانجليزية ولا لا …
ده بيقابلنى كتير لما مهندسين بيبعتلوى مشاكلهم ….و ابص على المشكلة …و بكون متأكد انه لو عرفها …و عرف يترجم الايرور اللى موجود هيقدر يحلها بنفسه….لكن للاسف لغته الانجليزية لا تساعده …..
اللى محتاج يرسم طريقه فى مجال الكومبيوتر سواء ….شبكات..نظم تشغيل ….برمجة …..هاردوير …ويب….اى فرع….انا مستعد للمساعدة

لو عايز كل الجديد يوصلك …..Like + Follow Page
مهندس / هيثم عصام
Eng Hitham Essam
https://www.facebook.com/Eng.Hithamessam